Wednesday, May 20, 2009

താളം തെറ്റിയ മനസ്സ്

കാറ്റ് വീശിക്കൊണ്ടിരുന്നു
താളത്തില്‍ ഇലകള്‍ ആടുന്നു
താളം തെറ്റാത്ത ഹൃദയമിടിപ്പ്
വ്യക്തമായി കേള്‍ക്കാം

തിര്‍മാലകള്‍ ആര്‍ത്തിരമ്പി
ഞണ്ടുകള്‍
തീരത്തേക്ക് വന്നും പോയുമിരുന്നു

ആരെയാണ് കുറ്റപ്പെടുത്തുക
മനസ്സിനെയോ അതോ
മനസ്സിന്‍ പിടികൊടുക്കാത്ത
ശരീരത്തിനേയോ ?

കാറ്റിനോട്, മഴയോട് , പ്രകൃതിയോട്,
ആഴിയോട് ഞാന്‍ ചോദിച്ചു
ഉത്തരം തരുവാന്‍ ആര്‍ക്കും കഴിഞ്ഞില്ല.

ഒന്നു ഞാനറിഞ്ഞു
എന്റെയുള്ളില്‍ തുടിക്കുന്ന
ഒരു ജീവനുരുവാകുന്നുണ്ടെന്ന്
ഞാന്‍ തിരഞ്ഞു
അതിന്റെ ഉടയവനെ കണ്ടില്ലെങ്ങും

ഏതോ ദുരന്തകഥയിലെ നായികപോലെ
ഞാന്‍ നെടുവീര്‍പ്പിട്ടു
അപ്പോഴും കാറ്റ് വീശിക്കൊണ്ടിരുന്നു
ഹൃദയമിടിപ്പിന്റെ താളം തെറ്റിയിരുന്നു.

1 comment:

യാത്രിക / യാത്രികന്‍ said...

കാറ്റ് വീശിക്കൊണ്ടിരുന്നു
താളത്തില്‍ ഇലകള്‍ ആടുന്നു
താളം തെറ്റാത്ത ഹൃദയമിടിപ്പ്
വ്യക്തമായി കേള്‍ക്കാം
betty Muttone