അനന്ദമജ്ഞാതമവര്ണ്ണനീയം, ദര്ശിപ്പൂ
ഞാന് കാലത്തിന് കളിയാട്ടങ്ങള്
ആര്ക്കുമാര്ക്കും അനിയന്ത്രിതം
ആനന്ദത്തിന്നുടയവനെ
ദുഃഖമാം ചെറുവഞ്ചിയിലേറി ഞാന്
ജീവിതത്തിന് സാഗരം താണ്ടവെ
തളരാതെ താഴാതെ താങ്ങുമാ കൈക-
ളെന് ജീവഗന്ധിയാം ചെറുതോണിയെ
നഷ്ട സ്വപ്നങ്ങളെയോര്ത്തഹം കേഴവേ
കേള്ക്കുന്നു സ്നേഹത്തിന് മണിനാദം
ശ്രവണ പുടത്തിന്നരികെയെത്തുന്നാ
ശ്രാവണത്തിങ്കളിന് കളമൊഴിനാദം
നഷ്ടമാകുന്നു വാക്കുകളെന്നുള്ളില്
നിശ്ചേതനമാകുന്നീ നാവുപോലും
ആരാണു നീയെന്ന ചോദ്യമെന്നില്
ആമോദഘോഷമായി തങ്ങി നിന്നു
അര്ത്ഥമില്ലാത്ത ആശയങ്ങളെന്നില്
അന്ധനേപ്പോല് അലഞ്ഞു നിന്നു
ആര്ക്കാനും ലഭ്യമോ ആരാമവാടിയെ
ആര്ക്കു മറിയീലാ.. ഭവാനൊഴികെ !
Tuesday, August 14, 2007
Subscribe to:
Post Comments (Atom)
1 comment:
സ്വാതന്ത്ര്യത്തിനു വേണ്ടി പോരാടിയ ധീര ദേശാഭിമാനികള്ക്കു പ്രണാമം അര്പ്പിച്ചുകൊണ്ട്,
കൂട്ടുകാരാ താങ്ങള്ക്കു എന്റെ സ്വാതന്ത്ര്യദിനാശംസകള്.....
Post a Comment