നിന്‍ സാമീപ്യം കാതോര്‍‌ക്കുന്നെന്‍ മനം
ഹസ്തത്തിന്‍ ലാളനയേല്‍ക്കുവാന്‍ കൊതിപ്പൂ
കാര്‍മുകില്‍ തന്നുടെ കാഹളം കേള്‍ക്കുമ്പോള്‍
കൊതി കൊണ്ടു തുള്ളുന്ന കാലന്‍
ചേലൊത്ത കാലുള്ള കാക്കക്കറുമ്പനാം
കാണാനഴകുള്ള കാലന്‍
ആദിത്യ കിരണങ്ങള്‍‌ക്കെതിരായ്‌ നിലകൊള്ളും
ആത്‌മാവിനാനന്ദമായ കാലന്‍
തോട്ടത്തില്‍ നിന്നെത്തും കാര്യസ്ഥന്‍ തന്നുടെ
തോളിലായ്‌പ്പറ്റിക്കിടക്കുന്നു കാലന്‍
ആനപ്പുറത്തേറിയ മന്നന്റെ മുന്‍‌പില്‍
തലയുയര്‍ന്നാടുന്നു കാലന്‍
മിത്രത്തെ ചേര്‍ത്തിടാം വൈരിയെ നേരിടാം
അത്രയും നന്നെന്നു തോന്നുന്ന കാലന്‍
വര്‍ഷത്തില്‍ താണ്ഡവം ഉഷ്ണത്തിന്‍ പീഢനം
വൈകാതെ നീക്കുന്നു കാലന്‍
മര്‍ത്യന്റെ ഘാതകനെന്നോര്‍ത്തു കേഴേണ്ട
ഞാന്‍ വെറും കാലന്‍ കുടയൊന്നുമാത്രം
About Me
- യാത്രിക / യാത്രികന്‍
- ബഹറിന്
- പേര് - ബെറ്റി മുട്ടോണ് /സജി മുട്ടോണ് , ഇടയാറ്ന്മുള എന്ന കൊച്ചു ഗ്രാമത്തില് നിന്നും ഇപ്പോള് ബഹറിനില്
2 comments:
നല്ല ആശയമുള്ള കവിത
ഞാന്‍ വെറും കാലന്‍
ആദ്യം വായിച്ചിട്ടു മനസ്സിലായില്ല കാരണം കവിത,, പക്ഷെ അവസാനം യഥാര്‍ത്ഥ കാലനെ കണ്ട ഞാന്‍ കാലന്‍കുടയെ കണ്ടപ്പോള്‍ ഞെട്ടിപ്പോയി..
രസിച്ചു...
ചേലൊത്ത കാലുള്ള കാക്കക്കറുമ്പനാം
‘കാണാനയകുള്ള‘ കാലന്‍.. കാണാനഴകുള്ള എന്നുള്ളതല്ലെ ശരി?
Post a Comment